Emisyon KOMOKODA pou mèkredi 14 avril 2021

Mizik pou louvri: Rezistans - Sò Àn

2 ti mo salitasyon Fritzner ak Dahoud

KOMOKODA salye tout fanmi isit ak lakay ki branche k ap koute emisyon an

Mobilizasyon pou dyaspora a toupatou ta kanpe nan jou 20 avril la ki make kòm Jounen Nasyonal Dyaspora Ayisyen pou manifeste kont manti BRIDES ak PHTK ki ta vle fè konprann 9 sou chak 10 Ayisyen k ap viv deyò peyi a sipòte pwojè konstitisyon malatchong PHTK a ak eleksyon pike kole yo di y apral fè a: KOMOKODA ap manifeste 20 avril la, 3pm-6pm devan Konsila Ayisyen nan NY la: 815 2nd Avenue, ant 43yèm ak 44yèm Streets nan Manhattan

Nou salye sè nou Fabienne Hyacinthe k apral selebre anivèsè nesans li nan wikenn nan

Jouthe Joseph demisyone, Jovenel Moise anonse li ranplase l ak Ti komik Claude Joseph ki te pote tit minis afè etranjè

KOMOKODA di polis yo sonje sa k te rive makout apre Jean Claude Duvalier te pran lyann; Se jodi a pou yo ta aji kont gouvènman asasen, vòlè, apatrid la pou yo ta jwenn yon ti padon nan je popilasyon an

Joe "Ti Tonbe" Biden mande Taliban yo tanpri souple ba li jiska mwa Septanm 2021 an pou l retire tout sòlda Meriken li yo nan peyi Afghanistan

Relijyon pou Lapè Ayiti lave men li nan koze negosyasyon PHTK ak opozisyon an epi Legliz Katolik anonse l ap fèmen tout enstitisyon li nan peyi a demen

Nou ankouraje oditè yo rele laboratwa sondaj malatchong Meriken ki rele BRIDES la nan 011-509-3828-3597 pou di yo sondaj dyaspora yo a se yon gwo manti li ye

Pou ki sa tout presyon sila a pou voye moun al pran vaksen Kovid-19 yo pandan jiskaprezan FDA Meriken an panko janm apwouve okenn nan yo

-Lendi 12 avril la se te premye jou moun ki te fè lantèman yon fanmi akoz Kovid-19 la te ka rele nimewo telefòn 844-684-6333 pou ranpli aplikasyon FEMA pou leta ranbouse yo jiska $9,000 nan lajan yo te depanse pou lantèman sa a 

Liy ouvè ak oditè yo

Prizonye politik Nwa Meriken Mumia Abu Jamal nan yon kondisyon sante kritik; L ap blije fè yon operasyon nan kè li annijans demen 15 avril la

Leta nan Minnesota arete polisye Kimberly Potter ki sasinen Daunte Wright

Aba tout opòtinis k ap fòme pati politik pou y al nan eleksyon pike kole Meriken-Core Group-PHTK a