Emisyon KOMOKODA pou mèkredi Premye septanm 2021

Mizik pou louvri: Rezistans - Sò Àn

2 ti mo salitasyon Fritzner ak Dahoud

KOMOKODA salye tout fanmi isit ak lakay ki branche k ap koute emisyon an

Nou voye Bòn Fèt pou:

-Yasmina Andre (Sè Dahoud)
-Angelique Nelson (Direktris Radio Omega)
-Minouche Lambert (militan nan kominote a)
-Jacqueline Salnave (Manman Baz)

Anpil move tan nan lari New York aswè a; Se sa k rete nan siklòn Ida a k ap frape nou bò isit la; Leta mete pinga pou moun ki pa gen bezwen serye pa pran lari

Yon lòt fwa ankò n ap voye fòs, kouraj, ak lanmou pou sè nou Veronica Nickey ki pèdi pitit gason l Therone Brue, ki te gen 33 zan nan kovid la; KOMOKODA te patisipe nan memoryal sè a te òganize nan Brooklyn nan pou sonje jenòm nan

Nou aprann politisyen ti komik Jerry Tardieu te vin fè kanpay nan zòn nan dimanch lan; Se te priyote pou KOMOKODA te kanpe ak sè nou kidonk  nou di bann aryenafè sa yo nou prete yo randevou a men nou pa fè yo kado li

Nou pase pwezi Moriso "Aba tout kandida" epi nou pase deklarasyon 4 out 2020 KOMOKODA a

Refleksyon nou sou pyès teyat k ap jwe sou do viktim Goudougoudou 14 out la yo; leson nou ta dwe ranmase nan eksperyans 12 janvye 2010 la

Komisyon sou komisyon k ap chache solisyon pa m pi bon pou soti nan "kriz" la

Liy ouvè ak oditè yo

Nou jete dlo pou Monseyè Guy Sansariq ki fè travèse li; Lantèman an ap chante demen jedi a

Yon atik sou lit Taliban yo yon konbatan Taliban ki rele Mullah Muhamad Rasol pataje ki esplike sa k fè yo rive bat Meriken yo